TV 5 Network Incorporated

TV5 Network Incorporated ang ikatlong pangunahing kumpanya sa merkado ng telebisyon sa bansa. Bahagi ito ng conglomerate na cross-media sa ilalim ng MediaQuest Holdings Incorporated ni Manuel V. Pangilinan. Ito ang may-ari ng TV5 at kasosyo sa kapatid na istasyong AksyonTV pati ang istasyon ng radyo na Radyo Singko 92.3 FM. Itinatag noong 1960 ng peryodistang si Joaquin “Chino” Roces bilang Associated Broadcasting Corporation, ang kumpanya ay dumaan sa maraming pagbabago ng pagmamay-ari at pamamahala mula noon.Ipinasara ni dating Pangulong Ferdinand Marcos ang istasyon, pati na ang pahayagan ni Roces na The Manila Times, nang ideklara niya Martial Law noong September 21, 1972. Roces was jailed with other dissenters. Si Roces ay ikinulong kasama ng iba pang mga tumututol (kay Marcos).Nagbukas na lang muli ang istasyon ilang taon matapos manumbalik ang demokrasya noong 1992 nang may pumasok na mga bagong mamumuhunan para pondohan ang pagbabalik ng himpilan, at ang anak ni Roces na si Edgardo ang namahala.Noong 2003, ang istasyon ay ipinagbili sa negosyanteng si Antonio Cojuangco Jr. na noon ay chairman pa ng pangunahing kumpanya ng telekomunikasyon sa bansa, ang Philippine Long Distance Telephone Company. Noong 2008, ang network ay muling inilunsad nang may bagong kapareha, ang Primedia Incorporated (MPB), pumasok sa eksena. Ang MPB ay isang kumpanya dito na pinamuhunan ng Media Prima Berhad ng Malaysia. Ang plano ay para sa MPB na gumawa ng mga programa para sa himpilan. Noong October 2009, ibinenta ng Media Prima ang istasyon sa MediaQuest Holdings Incorporated, isang kumpanya na pinangungunahan ng negosyanteng si Manuel V. Pangilinan. Ang MediaQuest ni Pangilinan ay ilang taon nang nasa merkado para sa isang istasyon ng telebisyon. Nag umpisa na itong makipag-usap sa GMA Network Incorporated ngunit walang nangyari sa negosasyon. Ang himpilan ay muling binigyan ng panibagong tatak, bilang TV5, at ang punong kumpanya nito ay nagpalit din ng pangalan at naging TV5 Network Incorporated.Inilista ng TV5 Network Incorporated ang mga sumusunod na punong kumpanya sa pinakahuling datos na isinumite sa Securities and Exchange Commission: MediaQuest Holdings, Inc. (29.13 porsiyento), Telemedia Business Ventures, Inc. (25 porsiyento), Med Vision Resources, Inc. (16.67 porsiyento), at Upbeam Investments, Inc. (28.87 porsiyento). Si Ray Espinosa ang chair ng Telemedia, Med Vision, at Upbeam at nakalista ang MediaQuest bilang punong kumpanya ng mga ito.Sa kanyang librong Colossal Deception, How Foreigners Control our Telecom Sector, natunton ng mamamahayag na si Rigoberto D. Tiglao ang tunay na pagmamay-ari ng TV5, ang kapatid nitong istasyon na AksyonTV, ang istasyon ng radyo na FM Radyo Singko 92.3 FM, at iba pang kumpanya ng media tulad ng mga higanteng broadsheet na Philippine Star, Philippine Daily Inquirer, at BusinessWorld sa Indonesian mogul na si Anthoni Salim sa pamamagitan ng kanyang kumpanya na First Pacific na naka-base sa HongKong.Sinundan ni Tiglao ang kasaysayan ng TV5, mula nang mag umpisa ito noong 1960 sa ilalim ng Associated Broadcasting Network ni Joaquin “Chino” Roces, na kinalaunan ay naging Associated Broadcasting Company nang mabili ito noong 2010 ng grupo ni Salim na pinangungunahan ni MVP sa pamamagitan ng PLDT.Sina Pangilinan at Espinosa, na ayon kay Tiglao ay mga tauhan sa Pilipinas ng negosyanteng Indonesian, ay nasa board of directors ng First Pacific.