Lumalawak ang naaabot ng online media

Sa panahon ngayon, nasa dulo na ng mga daliri natin ang balita at impormasyon. Cellphone na ang pinakaginagamit sa komunikasyon, kahit mabagal pa rin ang internet sa maraming parte ng Pilipinas. 

Ang mga telecommunication company ay nagbebenta ng mga data package na mas mura para makatawag, makapag-text, at makapag-internet. Mula noong pandemya, dahil nga nalimitahan ang paglabas, online ang pumalit sa pagbabasa ng diyaryo, pakikinig sa radyo at panonood ng TV.

Sa 116.5 milyong Pinoy noong January 2023, 97% ang gumamit ng cellphone para mag-internet at 72.48% ang active sa social media, na nangungunang pinagkukunan ng balita at impormasyon. 

Ang pagbabagong ito ang nagtulak sa mga nangungunang kompanya ng media na gumawa ng sarili nilang mga website. Hindi lang nasasalamin ng website kung ano ang nasa diyaryo, radyo, at TV, kundi napapalabas din ang balita habang nangyayari.

Dahil sa teknolohiya, ang mga kompanya ay hindi na limitado sa lokal na merkado, kundi lumawak na sa pandaigdigan.

Kahit online, mas tinatangkilik pa rin ng mga Pinoy ang mga pamilyar nang kompanya.

Tingnan sa baba ang pagkokompara sa mga nangungunang news website sa Pilipinas noong 2016 at mga may-ari ng media sa Pilipinas noong 2023: