Antonio Cabangon-Chua

Si Antonio Cabangon-Chua ay naging bilyonaryo sa sariling sikap at pinuno ng ilang bilyong-pisong ALC Group of Companies, isang malaking korporasyon na binubuo ng mga kumpanya ng iba't ibang negosyo tulad ng insurance protection, media, pre-need assurance, automotive, banking at finance, security, edukasyon, hotel, at real estate. Ang mga kumpanya ng media ng ALC Group ay binubuo ng CNN Philippines ng Nine Media Corporation, mga istasyon ng radyo na 97.9 Home Radio at DWIZ 882, broadsheet na BusinessWorld, magazine na Philippine Graphic, tabloid na Pilipino Mirror, at ang imprenta na Brown Madonna Press Incorporated.Siya ay anak ng isang may-kaya na negosyanteng Tsino na namatay nang walang naiwan para sa kanilang mag-ina. Kung anu-anong trabaho ang pinasok ng batang Cabangon-Chua para mabuhay. Siya ay naging shoeshine boy, naglako ng ice-drop, nag newsboy, at nagtinda ng pan de sal. Ang kanyang ina ay nagtayo ng sari-sari store at siya ang naging tindero. Ang tindahan ay naging grocery sa kanyang pagbabantay at doon nagsimula ang kanyang tagumpay sa negosyo. Si Cabangon-Chua ay nagsilbing ambassador ng Pilipinas sa Laos matapos italaga ni Pangulong Gloria Macapagal-Arroyo. Siya ay namayapa noong March 11, 2016.