The Lopez Family
Ang mga Lopez ay maimpluwensyang pamilya na taal na taga Iloilo, isang probinsiya sa katimugang bahagi ng Pilipinas. Sila ay nagkapera mula sa mga negosyo tulad ng mga tubuhan at shipping.Ang tagapagtatag ng ABS-CBN ay mula sa ika-apat na henerasyon ng mga Lopez: Eugenio Lopez Sr., ang anak ng dating gobernador ng Iloilo na si Benito Lopez at kapatid ng dating bise presidente Fernando Lopez.Si Eugenio Lopez Sr., isang abogadong nag-aral sa University of the Philippines at Harvard, at isa sa mga tagapagmana ng imperio ng pamilya Lopez at may-ari ng Chronicle Broadcasting Network, ang bumili ng Alto Broadcasting System kay Antonio Quirino, kapatid ni dating Pangulong Elpidio Quirino, noong Pebrero 24, 1957.Nang ideklara ni Pangulong Ferdinand Marcos ang martial law noong Setyembre 21, 1972, ang ABS-CBN ang isa sa mga istasyon na inagaw ng puwersa ng gobyerno. Ang kanyang panganay at kapangalan, si Eugenio "Geny" Lopez Jr. ay nakulong dahil sa pakikipagsabwatan umano sa planong ipapatay ang pangulo. Nakatakas si Geny at nanirahan sa Estados Unidos bilang distiyero.Ang istasyon ay ibinalik sa mga Lopez ng noo'y Pangulong Corazon Aquino pagkatapos ng People Power Revolution ng 1986.Ang panganay ni Geny, si Eugenio "Gabby" Lopez III ang ang pinuno ngayon ng istasyon. Kasama ang ibang mga miyembro ng pamilya, siya ay kapwa may-ari ng ABS-CBN Corporation at iba pa nilang mga negosyo sa ilalim ng Lopez, Incorporated.Ang mga miyembro ng pamilya ay ang mga magkakapatid na Oscar at Manuel Lopez at Presentacion L. Psinakis, mga anak ni Eugenio Lopez Sr; anak ni Oscar, si Federico; at kapatid ni Gabby, si Regina Paz “Gina” Lopez.Si Psinakis ang tanging anak na babae ni Eugenio Sr. Si Manuel, ang ika-apat na anak, ang chairman of the board, at ngayon director ng kumpanya ng kuryente, ang Manila Electric Company. Itinalaga siyang Philippine Ambassador sa Japan ni Pangulong Benigno Aquino III. Nagbitiw siya sa tungkulin nang matapos ang termino ni Aquino.Si Gina Lopez ang kasalukuyang secretary ng Department of Environment and Natural Resources, isang posisyon sa Gabinete kung saan siya itinalaga ni Pangulong Rodrigo Duterte. Siya ay hindi miyembro ng board of directors ng ABS-CBN Corporation.Ang karamihan ng pera ng mga Lopez ay nagmula sa mass media ngunit mayroon silang ibang mga negosyo tulad ng paggawa at distribusyon ng kuryente at enerhiya, property development, financial services at manufacturing.Dati rin silang nasa negosyo ng serbisyo ng tubig, telekomunikasyon, at tollways.
Negosyo
Power & energy
Manila Electric Company
Energy Development Corporation
First Gen Corporation
First Gas Corporation
FGP Corporation
First NatGas Power Corporation
Prime Meridian Powergen Corporation
First Philippine Electric Corporation
Manufacturing
First Philec, Inc.
First Sumiden Circuits, Inc.
Real estate
First Philippine Holdings Corporation
First Philippine Industrial Park
First Philippine Properties Corporation
First Philippine Realty Corporation
Rockwell Land Corporation
First Philec Corporation
Aruga Serviced Apartments
First Balfour, Inc.
First Philippine Industrial Corporation
First Sumiden Realty, Inc.
ABS-CBN Integrated and Strategic Property Holdings, Inc.
Restaurant and food
TV Food Chefs, Inc.
Non-vessel common carrier
ABS-CBN Global Cargo Corporation
Holding company
ABS-CBN Theme Parks and Resorts Holdings, Inc.
ABS-CBN Global Ltd.
ABS-CBN Global Hungary Kft.
ABS-CBN Global Netherlands B.V.
Rosetta Holdings Corporation
Sky Vision Corporation
Sun Cable Holdings, Incorporated
Telemondial Holdings, Inc.
Sapientis Holdings Corporation
Columbus Technologies, Inc.
Money remittance
ABS-CBN Europe Remittance Inc.
E-Money Plus, Inc.
ABS-CBN Global Remittance Inc.
ABS-CBN Canada Remittance Inc.
Trading
ABS-CBN Middle East LLC
Telecommunication
ABS-CBN Telecom North America, Inc.
ABS-CBN Convergence, Inc.
Educational/training
ABS-CBN Center for Communication Arts, Inc.
Marketing, sales & advertising
Center PTE. Ltd.
Support services
ABS-CBN Shared Service
Services
Daum Kakao Corporation (50%)
The Flagship, Inc. (40%)
Theme park
Play Innovations, Inc.
Play Innovations Hungary Kft.
Call center
iConnect Convergence, Inc.
Home shopping
A CJ O (50%)
pamilya at mga kaibigan
impormasyon na tumutukoy sa mga interes sa mga kompanya ng media ng mga ka-pamilya at kaibigan; impormasyon kaugnay ng klase at lawak ng mga interes ng ka-pamilya at kaibigan sa ibang organisasyon ng media at ibang sektor na pangkabuhayan; koneksiyon na pulitikal at panrelihiyon
Si Eugenio L. Lopez III ang Chairman ng Board of Directors ng ABS-CBN Corporation, Vice Chairman ng Lopez Holdings Corporation, Chairman ng Sky Cable Corporation, Presidente ng Sky Vision Corporation, Tresurero ng Lopez Incorporated, Chairman ng Bayan Telecommunications Incorporated, direktor ng First Gen Corporation, direktor ng First Gen Corporation, First Philippine Holdings Corporation, Rockwell Land at ng Eugenio Lopez Foundation
Si Presentacion L. Psinakis ang nag-iisang anak na babae ni Eugenio H. Lopez Sr., ang nagtatag ng Lopez Group. Siya ay direktor ng ABS-CBN Corporation mula pa noong 1988, tagapagtatag at presidente ng Griffin Sierra Travel Incorporated, miyembro ng Board of Trustees ng Eugenio Lopez Foundation Incorporated, at direktor ng mga sumusunod na kumpanya: Lopez Incorporated, Benpres Insurance Agency, ADTEL Incorporated, at Philippine Commercial Capital Incorporated.
Si Manuel M. Lopez ang pang-apat na anak ni Eugenio H. Lopez Sr., ang nagtatag ng Lopez Group. Siya ay miyembro ng board at Chairman at Chief Executive Officer ng Lopez Holdings Corporation, Chairman ng Rockwell Land, Vice Chairman ng FPHC, direktor ng Meralco kung saan siya ay Chief Executive Officer mula noong Hulyo 2001 hanggang Hunyo 2010. Siya ang Philippine Ambassador sa Japan.
Si Oscar M. Lopez ang ikalawang anak ni Eugenio H. Lopez Sr., ang nagtatag ng Lopez Group. Siya ay miyembro ng board at direktor ng ABS-CBN Corporation mula pa noong 1966, Chairman Emeritus at Chief Strategic Officer ng First Philippine Holdings Corporation (FPHC), at Chairman Emeritus ng Lopez Holdings Corporation, First Gen at Energy Development Corporation, Chairman ng First Philippine Industrial Park at First Sumiden Circuits Incorporated, at Vice Chairman ng Rockwell Land.
Si Federico R. Lopez ay anak ni Oscar M. Lopez. Siya ay direktor ng ABS-CBN Corporation mula pa noong 1999, Chairman at Chief Executive Officer ng First Philippine Holdings Corporation (FPH), Chairman at CEO ng First Gen Corporation at Energy Development Corporation, Vice Chairman ng Rockwell Land Corporation, Chairman ng Oscar M. Lopez Center for Climate Change Adaptation and Disaster Risk Management Foundation (The OML Center) at Sikat Solar Challenge Foundation. Board of Trustees ng World Wildlife Fund Philippines, Philippine Disaster Recovery Foundation at Philippine Tropical Forest Conservation Foundation, miyembro ng World Presidents Organization, Asia Business Council, ASEAN Business Club, New York Philharmonic International Advisory Board, Management Association of the Philippines, Philippine Chamber of Commerce and Industry, European Chamber of Commerce of the Philippines at Makati Business Club.
Si Augusto Almeda-Lopez ay hindi ka-dugo ng mga Lopez ngunit malapit na kaibigan ni Eugenio Lopez Jr. Siya ay Vice Chairman ng ABS-CBN Corporation mula pa noong 1989, direktor ng First Philippine Holdings Corporation (FPHC), First Philippine Industrial Corporation (FPIC), Bayan Telecommunications Incorporated, Sky Cable Corporation, at ADTEL Inc, Board Chairman ng kumpanya ng kanyang pamilya, ang ACRIS Corporation.
Si Ma. Rosario Santos-Concio ay miyembro ng board ng ABS-CBN Corporation, Presidente ng ABS-CBN University at Chief Executive Officer, dating pinuno ng Channel 2 Mega Manila Management.
Si Federico M. Garcia ay miyembro ng board ng ABS-CBN Corporation. Kilala sa palayaw na FMG, siya ang utak sa likod ng napakabilis na pag-angat ng ABS-CBN mula sa muling pagbangon pagkaraan ng rebolusyon noong 1986.
Si Salvador G. Tirona ay miyembro ng board at direktor ng ABS-CBN Corporation mula pa noong 2010, Presidente at Chief Operating Officer at kasalukuyang, Chief Finance Officer ng Lopez Holdings Corporation, Chairman at Chief Executive Officer ng First Philippine Holdings Corporation, Chairman at Chief Executive Officer Chairman ng First Gen Corporation, Chairman ng Energy Development Corporation, Vice Chairman ng Rockwell Land, Chairman ng First Philippine Industrial Park, Chairman at Chief Executive Officer ng First Gen Renewables Incorporated, Trustee ng Eugenio Lopez Foundation, at Treasurer ng Lopez Holdings Corporation
Si Regina Paz “Gina” Lopez ang kasalukuyang Department of Environment and Natural Resources Secretary, isang posisyon sa Gabinete kung saan siya itinatalaga ni Pangulong Rodrigo Duterte. Siya ay anak ni Eugenio Lopez Jr. at kapatid ni Eugenio Lopez III
Si Manuel Leuterio “Noli” de Castro Jr. ay dating bise presidente ng Pilipinas sa ilalim ni Gloria Macapagal-Arroyo. Si De Castro ang brodkaster ng TV Patrol, ang primetime na programang pambalitaan ng ABS-CBN, at nakilala nang husto dahil dito. Siya ay kabilang sa pangunahing 30 stockholder ng ABS-CBN Corporation.
Si Kristina Bernadette Aquino ay host sa telebisyon at artista sa telebisyon at pelikula. Siya ang bunsong anak ni dating Pangulong Corazon Aquino at kapatid ni Pangulong Benigno S. Aquino III. Ang kanyang ina ang nagbalik sa ABS-CBN 2 sa mga Lopez sa pamamagitan ng isang executive order. Siya ay kabilang sa pangunahing 47 stockholder ng ABS-CBN Corporation.
Karagdagang impormasyon
Mga Pangunahing Balita
Pinagkukunan/ Pinanggagalingan
Financial Statement of ABS-CBN Corporation (available upon request at SEC) (2016), Securities and Exchange Commission (SEC)
General Information Sheet of ABS-CBN Corporation (available upon request at SEC) (2016), Securities and Exchange Commission (SEC)
Financial Statement of Lopez Incorporated (available upon request at SEC) (2016), Securities and Exchange Commission (SEC)
General Information Sheet of Lopez Incorporated (available upon request at SEC) (2016), Securities and Exchange Commission (SEC)
